vienres 4 de setiembre de 2009 / MiDePI

Toles versiones d’esti artículu: [asturianu] [Español]

Miradoriu de sofitu a los pueblos indíxenes - MiDePi (ast)

Preséu pa construyir creativamente’l bon vivir

Ye un presú novedosu que s’entama nel ámbitu del Drechu Internacional de los Drechos Humanos y propónse actualizar les ferramientes metodolóxiques énte los procesos sociales, políticos y económicos desconocíos na aportación actual de los pueblos indíxenes.

Los pueblos indíxenes tán abriendo la so buelga na producción de la hestoria contemporánea, y convirtiéronse nuna fuercia imprescindible pa tresformar rellaciones económiques inxustes y rellaciones polítiques escluyentes.

1. Entamar y realizar actividaes de documentación, información, investigación, asesoramientu y desarrollu institucional sobre los drechos de los pueblos indíxenes; de manera coordinada cola asociación d’actividaes y proyeutos con otres instituciones públiques y privaes; nacionales ya internacionales promoviendo la cooperación internacional pa estes fines con otres rexones culturales del mundiu.

2. Afondar nel desarrollu de la rede d’instituciones y organizaciones dedicaes al desarrollu de procesos d’afitamientu cultural, económicu y social de los pueblos indíxenes.

3. Entamar y desarrollar un sistema de documentación, procesamientu y recuperación d’información sobre drechos de los pueblos indíxenes, paa la consulta xeneral y especializada.

4. Entamar y desarrollar investigaciones sobre diversidá cultural desarrollando venceyos relevantes pa la xestión y espresión cultural y económica.

5. Espublizar y editar testos y otros materiales sobre diversidá cultural y drechos de los pueblos indíxenes.

6. Entamar y desarrollar actividaes educatives y de difusión de triba variada, tales como conferencies, seminarios, talleres, cursos, xornaes, alcuentros y congresos; y otres rellacionaes cola diversidá cultural.

7. Dar asesoramientu a les instituciones asociaes y a otres instituciones públiques o privaes, nacionales o internacionales que lo soliciten; y entamar proyeutos llexislativos en cualquiera de los temes rellacionaos cola diversidá cultural y drechos de los pueblos indíxenes.